Вандроўка ТАП у Крэва, Залессе - фотарэпартаж

У нядзелю, 8 траўня, вялейскія сябры Таварыства Аховы Помнікаў зладзілі вандроўку па гістарычных мясьцінах рэгіёна. Галоўнымі пунктамі былі Залессе і Крэва, а па шляху рабіліся прыпынкі на гістарычных аб'ектах, на якія багаты наш край.

Прапануем вам фотарэпартаж з вандроўкі.

Вялейскія сябры Таварыства Аховы Помнікаў рэгулярна праводзяць выезды, вандроўкі ды экскурсіі па гістарычных мясьцінах з мэтай прыборкі, маніторынгу ды актуалізацыі помнікаў.

Да дзейнасьці ТАП можа далучыцца кожны! Тэлефануйце (8029) 8737295 (Дзяніс).

1. Першы прыпынак - в. Беніца Маладзечанскага р-на. У вёсцы знаходзіцца прыгожы закінуты касьцёл, у стылі Віленскага барока. Пра касьцёл пісалася ў апошнім выпуску выдання "Волат".

2. Залессе - сядзіба Міхала Клеафаса Агінскага. Зараз Смаргонскі р-н, Гарадзенская вобл.

Дрэва кахання:

Камень "Ценям Касьцюшкі":

3. Старая разбураная ўніяцкая царква у в. Наваспаск.

4. Крэва. Старажытная сталіца Нальшанскага княства. Першы мураваны замак на Беларусі.

Юр'ева гара ў Крэве - старажытнае Сьвяцілішча

5. Смаргонь. Помнік Францішку Багушэвічу, пачынальніку сучаснай беларускай літаратуры

6. Культавы Камень-Горка ля в.Укропінка пад Смаргонню

7. У в.Войстам ля касьцёла: помнік 600-годдзю Грунвальдскай бітвы

8. Сьвяты камень з ямкамі ў в. Мішуты. Гэта ўжо Вялейскі раён.

9. Апошнім быў наведаны сакральны валун з ямкамі ля вёскі Канстаполле

Вандроўка заняла роўна дзень. Выехаўшы у 8 раніцы, у Вялейку вярнуліся у 20.00. Гэты час уключыў у сябе і два прыпынкі на абед: кава з бутербродамі ў Залессі на беразе возера, вячэра ля вогнішча на беразе Нарачанкі напрыканцы вандроўнага дня.

Гэткім чынам быў распрацаваны і правераны добры аднадзённы турыстычны маршрут для вандравання на аўто зь Вялейкі. 

Фотаздымкі - Эліза Волат, Міхась Кулеш, Мікола Сусла, Якуб Волат, Ганна Крынічная